ஜிஎஸ்டி பதிவு எண் இல்லாத சப்ளையர்களால் இ-காமர்ஸ் ஆபரேட்டர்கள் மூலம் (ECO) பொருட்களை வழங்குவதற்கான பதிவு செய்யும் வசதி.

 1. சமீபத்திய சட்ட திருத்தங்கள் மற்றும் 31.07.2023 தேதியிட்ட விதிகள் மற்றும் அறிவிப்பு எண் (Notification No.) 34/2023 ஆகியவற்றின் அடிப்படையில், e-commerce ஆபரேட்டர்கள் (அமேசான், பிலிபிகார்ட், மிந்த்ரா, இந்தியமார்ட்)   மூலம் பொருட்களை வழங்குபவர்கள், GST சட்டத்தின் கீழ் கட்டாயப் பதிவிலிருந்து விலக்கு அளிக்கப்படுவார்கள். எனினும் e-வணிக ஆபரேட்டர்கள் (ECO) பின்வரும் நிபந்தனைகளை பூர்த்தி செய்யவேண்டும்:-

          (அ) ECO மூலம் பொருட்களை வழங்குபவர் அத்தகைய பொருட்களை ஒரு மாநிலம்/யூனியன் பிரதேசத்தில் மட்டுமே சப்ளை செய்யப்படவேண்டும்,

          (ஆ) அத்தகைய நபர் பிற மாநிலங்களுக்கு  சப்ளை செய்யக்கூடாது ,

          (இ) குறிப்பிடப்பட்ட நபருக்கு வருமான வரிச் சட்டம், 1961 இன் கீழ் நிரந்தர கணக்கு எண் (PAN) வேண்டும்,

          (ஈ)அத்தகைய நபர்கள், பொருட்களை சப்ளைசெய்வதற்கு முன், அவரது வணிக இடத்தின் முகவரி மற்றும் மாநிலம்/ அல்லது யூனியன் பிரதேசத்தின் பெயர் ஆகியவற்றுடன்  ஜிஎஸ்டி போர்ட்டலில்  தனது PANஐ சரிபார்க்க அறிவிக்க வேண்டும்.

          (உ)அத்தகைய நபருக்கு அவரது பான் எண்ணை சரிபார்த்தவுடன் GST போர்ட்டலில் பதிவு எண் வழங்கப்பட்டும், அதற்கு முன் அவர் எந்தவொரு ECO மூலமாகவும் சப்ளை செய்யக்கூடாது.

2.  ஜிஎஸ்டிஎன் (Goods and Service Tax Network) பதிவு செய்யாத நபர்களின் பதிவுக்குத் தேவையான செயல்பாட்டை,  GST போர்ட்டலில் உருவாக்கியுள்ளது. அதன்படி, ஏதேனும் ஒரு மாநிலம்/யூனியன் பிரதேசத்தில் ECO மூலம் பொருட்களை வழங்குவதற்காக GST போர்ட்டலில் பதிவு செய்ய விரும்பும் GST பதிவு செய்யப்படாத நபர் கீழே குறிப்பிடப்பட்டுள்ள செயல்முறையைப் பின்பற்றுமாறு அறிவுறுத்தப்படுகிறார்கள்:

      1.    •https://www.gst.gov.in/   ஜிஎஸ்டி போர்ட்டல் இணைப்பைக் கிளிக் செய்யவும்

        2.  • "சேவைகள் - பயனர் சேவைகள்" (services - user services) தேர்ந்தெடுத்து, "பதிவு செய்யப்படாத விண்ணப்பதாரருக்கான பயனர் ஐடியை உருவாக்கு" என்பதைத் தேர்ந்தெடுக்கவும்

    3.      நீங்கள் தொடருமாறு கேட்கும் எச்சரிக்கை சாளரத்தில் "ஆம்" என்பதைக் கிளிக் செய்யவும்

      4.    • "ஈ காமர்ஸ் ஆபரேட்டர்களுக்கு சப்ளையர் ஆக விண்ணப்பிக்க" என்ற பட்டனை டிக்  செய்யவும்

    5.    •உங்கள் திரையில் திறக்கும் படிவத்தை நிரப்ப தொடரவும்

    6.      •உங்கள் பான் எண்ணை வெற்றிகரமாக சரிபார்த்தவுடன், பதிவு எண் போர்ட்டல் மூலம் உருவாக்கப்படும்.

    7.   இப்பொழுது நீங்கள் e-வணிக ஆபரேட்டர்கள் (E Commerce Operators) மூலம் உங்கள் மாநிலம்/யூனியன் பிரதேசத்தில் GST பதிவு எண் இல்லாமல் வணிகம் செய்யலாம்.  e-வணிக ஆபரேட்டர்கள், உங்கள் சார்பாக உரிய வரியை அரசுக்கு செலுத்திவிடுவார்கள்.

ஆல்ட்-எப்  பிசினஸ் சொலுஷன்ஸ், புதுச்சேரி.

Alt-F Business Solutions, Puducherry,