GST and Tax Laws

Saturday, 27 April 2024

Refund Application Filed after Rectification of Defects pointed out in GST RFD - 03 is not Time Barred

Refund Application Filed after Rectification of Defects pointed out in GST RFD - 03

is not Time Barred

BSNL v. Union of India [W.P. (C) No. 3550/2023], (2023:DHC:2482-DB) Delhi High Court Order followed.

Saturday, 6 April 2024

GST Collections in the Year 2023-24

Goods and Services Tax (GST) revenue for March 2024 witnessed the second highest collection ever at Rs.1.78 lakh crore, with a 11.5% year-on-year growth. Month-wise Collections for the year 2023-24 is given below:-

FY 2023-24 marks a milestone with total gross GST collection of Rs. 20.14 lakh crore exceeding Rs.20 lakh crore, a 11.7% increase compared to the previous year. The average monthly collection for this fiscal year stands at Rs.1.68 lakh crore, surpassing the previous year's average of Rs.1.5 lakh crore. GST revenue net of refunds as of March 2024 for the current fiscal year is Rs.18.01 lakh crore which is a growth of 13.4% over same period last year .

Sunday, 21 January 2024

GST Tribunal இல்லாத நிலையில் மேல்முறையீடுகளைத் தாக்கல் செய்வதற்கான வழிகாட்டுதல்கள்.

ஜிஎஸ்டி மேல்முறையீட்டு தீர்ப்பாயம் ( GST Tribunal) இல்லாத நிலையில் மேல்முறையீடுகளைத் தாக்கல் செய்வதற்கான வழிகாட்டுதல்களை, ஆணையர், கேரள மாநில ஜிஎஸ்டி( Commissioner, State GST Department, Government of Kerala) அவர்கள் ஜனவரி 11, 2024 ஆம் தேதியிட்ட சுற்றறிக்கை எண். 01/2024 இன் மூலம்(Click here for the CCT's Circular) , தெளிவுபடுத்தி உள்ளார்.

2017ஆம் ஆண்டு, CGST/SGST சட்டத்தின் பிரிவு 112, துணைப்பிரிவு (1)ன்படி, பிரிவு 107 அல்லது 108ன் கீழ் பிறப்பிக்கப்பட்ட உத்தரவால் பாதிக்கப்பட்ட எந்தவொரு நபரும், அத்தகைய உத்தரவுக்கு எதிராக மூன்று மாதங்களுக்குள் மேல்முறையீட்டு தீர்ப்பாயத்தில் (GST Tribunal) மேல்முறையீடு (Appeal) செய்யலாம். ஜிஎஸ்டி மேல்முறையீட்டு தீர்ப்பாயங்கள் இன்னும் அமைக்கப்படாததால், சட்ட பிரிவில் குறிப்பிடப்பட்டுள்ள காலக்கெடுவுக்குள் மேல்முறையீடு அல்லது விண்ணப்பத்தை தாக்கல் செய்ய இயலாத நிலை உள்ளது.

எனவே, மேல்முறையீடு செய்வதில் உள்ள சிரமங்களை நீக்கும் வகையில், அரசு, அறிவிப்பு எஸ்.ஆர்.ஓ. எண். 1024/2019 தேதியிட்ட 31.12.2019 [கேரள மாநில சரக்கு மற்றும் சேவை வரி (பதினொன்றாவது சிரமங்களை நீக்குதல்) ஆணை 2019], மூலம் “ஆணைக்கு எதிராக மேல்முறையீடு செய்ய விரும்பும் நபருக்கு" பிரிவு 112 இன் துணைப்பிரிவு (1) இல் கூறப்பட்ட , மூன்று மாத காலத்தின் தொடக்கமானது ;

(i) உத்தரவு தெரிவிக்கப்பட்ட தேதி; அல்லது

(ii) 109வது பிரிவின் கீழ் மேல்முறையீட்டு தீர்ப்பாயம் அமைக்கப்பட்ட பிறகு அதன் தலைவர் பதவிக்கு வரும் தேதி;

இந்த இரண்டு தேதிகளில் எது பின்னர் வருகிறதோ, அது கருத்தில் கொள்ளப்படும்.

எனவே, தற்போதைய நிலவரப்படி, மேல்முறையீட்டு தீர்ப்பாயத்திற்கு விண்ணப்பிப்பதற்கான கால வரம்பு, அதன் தலைவர் அல்லது மாநிலத் தலைவர் பதவிக்கு வரும் தேதியிலிருந்து கணக்கிடப்படுகிறது.

இதற்கிடையில், முதல் மேல்முறையீட்டு அதிகாரியால் வழங்கப்பட்ட தீர்ப்பு (Order Passed in the First Appeal) வரி செலுத்துவோருக்கு எதிரானதாக இருக்கும் சந்தர்ப்பங்களில், வரி செலுத்துவோர் மேல்முறையீடு செய்ய எண்ணினாலும், காலக்கெடுவுக்குள் மேல்முறையீடு அல்லது விண்ணப்பத்தை தாக்கல் செய்ய இயலாத நிலை உள்ளது என வரி செலுத்துவோரிடமிருந்து பல்வேறு முறையீடுகள் வந்துள்ளன. பல மேல்முறையீட்டு அதிகாரிகளிடம் மேல்முறையீடு செய்த வழக்குகள், மேல்முறையீட்டு தீர்ப்பாயம் அமைக்கப்படாததால் நிலுவையில் வைக்கப்பட்டிருப்பதும், மேல்முறையீட்டு ஆணைகளுக்கு எதிராக எந்தப் பரிகாரமும் கிடைக்காதது ஆணையர் அவர்களின் கவனத்திற்கு வந்து இந்த விவகாரம் விரிவாக ஆராயப்பட்டது.

சிக்கலைத் தெளிவுபடுத்துவதற்கும், புல அமைப்புகளில் (Field Formation) சட்டத்தின் விதிகளை செயல்படுத்துவதில் சீரான தன்மையை உறுதி செய்வதற்கும், Kerala SGST சட்டத்தின் பிரிவு 168 இல் வழங்கப்பட்ட அதிகாரங்களைப் பயன்படுத்தி, பின்வரும் தெளிவுபடுத்தல்கள் மற்றும் வழிகாட்டுதல்கள் வழங்கப்படுகின்றன;

மேல்முறையீட்டு தீர்ப்பாயம் செயல்படாத சூழ்நிலையில், சட்டத்தின் மேற்கூறிய விதியை நடைமுறைப்படுத்துவதில் ஏற்படும் சிரமத்தை நீக்க,

மேல்முறையீட்டு தீர்ப்பாயத்திற்கு விண்ணப்பம் செய்வதற்கான கால வரம்பு, மேல்முறையீட்டு தீர்ப்பாயத்தின் தலைவர் பதவிக்கு வரும் தேதியிலிருந்து கணக்கிடப்படும். மேல்முறையீட்டு தீர்ப்பாயத்தின் தலைவர் பதவிக்கு வந்ததிலிருந்து மூன்று மாதங்களுக்குள் மேல்முறையீட்டு தீர்ப்பாயத்திற்கு மேல்முறையீடு செய்யலாம் என்று உத்தரவை பிறப்பிக்கும் போது மேல்முறையீட்டு ஆணையர்(First Appellate Authority) உத்தரவில் (Appeal Order)குறிப்பிடலாம் . அதன்படி, மேல்முறையீட்டு தீர்ப்பாயம் செயல்பட காத்திருக்காமல், நிலுவையில் உள்ள அனைத்து மேல்முறையீடுகளையும் மேன்முறையீட்டு அதிகாரிகள் விரைவாக தீர்க்கலாம் என்று அறிவுறுத்தப்படுகிறது.

மேல்முறையீட்டு உத்தரவின் விளைவாக, நிலுவைத் தொகையை மீட்டெடுப்பது (Recovery of Demand) தொடர்பாக, ஏதேனும் கோரிக்கை (Demand) இருந்தால், அத்தகைய சந்தர்ப்பங்களில் வரி செலுத்துவோர் DC/AC/STO முன் ஜனவரி 11, 2024 ஆம் தேதியிட்ட சுற்றறிக்கை எண். 01/2024 இல் உள்ள இணைப்பு-I (Annexure-I)இல் உள்ளபடி ஒரு அறிவிப்பைச் சமர்ப்பிக்க வேண்டும்.

மேற்கண்ட வழிகாட்டுதல்களை அந்தந்த மாவட்டங்களுக்கு உட்பட்ட வரி செலுத்துவோருக்கு விரைவில் தெரிவிக்க தேவையான நடவடிக்கைகளை எடுக்குமாறு வரி செலுத்துவோர் சேவைகளின் இணை ஆணையர்களுக்கு உத்தரவிடப்பட்டுள்ளது.

இந்த சுற்றறிக்கையை செயல்படுத்துவதில் ஏதேனும் சிரமம் இருந்தால், கேரள மாநில வரி ஆணையர் அலுவலகத்தின் கவனத்திற்கு கொண்டு செல்லலாம்.

ஜி எஸ் டி சட்டம் இந்தியா முழுமைக்கும் பொதுவானது என்பதால் இந்த நடைமுறையை மற்ற மாநில ஜி எஸ் டிஆணையர்களும், மத்திய ஜி எஸ் டி அதிகாரிகளும் பின்பற்றினால் வணிகர்களின் சிரமங்கள் குறைந்து அவர்களின் நலன் பாதுகாக்கபடும்.

பிற மாநிலகளில் உள்ள வணிகர்களும், வணிகர் நல அமைப்புகளும் கேரள அரசின் இந்த நடைமுறையை பின்பற்ற கோரிக்கை வைக்கலாம்.

Thursday, 28 December 2023

2018-19 மற்றும் 2019-20 ஆம் ஆண்டிற்கு நோட்டீஸ் (SCN) வழங்க கால அளவு 1 மாதம் நீட்டிப்பு :-

Wednesday, 27 December 2023

Instruction No. 5/2023-GST dated 13-12-2023

சிஜிஎஸ்டி சட்டம், பிரிவு 74 (1) ஐ பயன் படுத்துவது குறித்து மத்திய மறைமுக வரிகள் மற்றும் சுங்க வாரியத்தின் (CBIC) அறிவுறுத்தல்

Instruction No. 05/2023-GST dated 13-12-2023 of

Central Board of Indirect Taxes and Customs, GST Policy Wing.

நார்தர்ன் ஆப்பரேட்டிங் சிஸ்டம்ஸ் பிரைவேட் லிமிடெட் (NOS) (Civil Appeal No. 2289 - 2293 of 2021)

தொடர்பான வழக்கில் மாண்புமிகு உச்ச நீதிமன்றத்தின் தீர்ப்பின் அடிப்படையில், சிஜிஎஸ்டி சட்டம், பிரிவு 74 (1) ஐ பயன் படுத்துவது குறித்து மத்திய மறைமுக வரிகள் மற்றும் சுங்க வாரியம் (CBIC) அறிவுறுத்தல் ஒன்றை (Instruction No. 05/2023-GST dated 13-12-2023) மூலம் வழங்கியுள்ளது.

மேற்கண்ட அறிவுறுத்தலில், குறிப்பாக சிஜிஎஸ்டி சட்டம், பிரிவு 74 (1) ஐ பயன் படுத்துவது குறித்து துறையிலுள்ள அதிகாரிகளுக்கு தெளிவான அறிவுறுதல்களை வழங்கியுள்ளது.

CGST சட்டத்தின் பிரிவு 74 (1) பின்வருமாறு கூறுகிறது:

"(1) மோசடி (fraud) அல்லது வேண்டுமென்றே-தவறான அறிக்கை (wilful misstatement) அல்லது உண்மைகளை மறைத்தல் (suppression of facts) மூலமாக எந்த வரியும் செலுத்தப்படவில்லை அல்லது குறைவாக செலுத்தப்பட்டுள்ளது அல்லது தவறுதலாகத் திருப்பியளிக்கப்பட்டுள்ளது அல்லது உள்ளீட்டு வரி வரவினை தவறாகப் பெறப்பட்டிருக்கிறது அல்லது உபயோகபடுத்தப்பட்டு இருக்கிறது, என்பது உரிய அதிகாரிக்கு (proper officer) தெரியவந்தால் அவர் அவ்வாறு தவறு இழைத்த நபருக்கு, நோட்டீஸ் (SCN) ஒன்றினை வழங்கி, அவரிடமிருந்து நோட்டீசில் குறிப்பிட்ட தொகை, அதற்க்கு ஈடான தண்டத் தொகை மற்றும் பிரிவு 50 இன் கீழ் வட்டி முதலியனவற்றை ஏன் வசூலிக்கக்கூடாது என விளக்கம் கேட்க வேண்டும்.”

மேற்கண்ட வாசகத்திலிருந்து CGST சட்டத்தின் பிரிவு 74 (1) ஐ, வணிகர் மோசடியாக அல்லது தவறான தாகவல்களைத் தந்து அல்லது உண்மைகளை மறைத்து வரி ஏய்ப்பில் ஈடுபட்டிருந்தால் மட்டுமே பயன்படுத்தமுடியும் என்பது புலனாகும். வணிகர்கள் GST ஐ செலுத்தாத காரணத்திற்காக பிரிவு 74 (1) ஐ பயன்படுத்த முடியாது.

எனவே, மோசடி அல்லது வேண்டுமென்றே-தவறான அறிக்கை அல்லது உண்மைகளை மறைத்தல் மூலமாக வரியானது அரசுக்கு முறையாக செலுத்தவில்லை என்று விசாரணையில் உரிய சான்றுகள் மூலம் தெரியவந்தால் மட்டுமே GST சட்டத்தின் பிரிவு 74 (1) ஐ பயன் படுத்தமுடியும். அத்தகைய சான்றுகளை நோட்டீசின் ஒரு அங்கமாக இணைக்கவேண்டும்.

இவ்வாறு அந்த அறிவுறுத்தலில் கூறப்பட்டுள்ளது

ஆல்ட்-எப் வணிகத் தீர்வுகள், புதுச்சேரி .

Alt-F Business Solutions,Puducherry.

Sunday, 17 December 2023

கடந்த 5 ஆண்டுகளில் ஜிஎஸ்டி ரிட்டர்ன் தாக்கல் செய்பவர்களின் எண்ணிக்கை சுமார் 65 சதவீதம் உயர்ந்துள்ளது

இந்திய நிதி அமைச்சகம் டிசம்பர் 17, ஞாயிற்றுக்கிழமை அன்று வெளியிட்ட அறிக்கையில், ஏப்ரல் 2023 வரையிலான கடந்த 5 ஆண்டுகளில், ஜிஎஸ்டி ரிட்டர்ன் தாக்கல் செய்பவர்களின் எண்ணிக்கை சுமார் 1.13 கோடியாக ( 65 சதவீதம்) உயர்ந்துள்ளது என்று தெரிவித்துள்ளது. வரி செலுத்துவோர் எண்ணிக்கையும், ஏப்ரல் 2018 இல் 1.06 கோடியாக இருந்த நிலையில், ஏப்ரல் 2023 இல் 1.40 கோடியாக அதிகரித்துள்ளது என அந்த அறிக்கையில் தெரிவித்துள்ளது.

GST Return filing

நவம்பர் மாத மொத்த ஜிஎஸ்டி வசூல் ரூ.1.68 லட்சம் கோடியாக இருந்தது. நடப்பு நிதியாண்டில் ஜிஎஸ்டி வசூல் ஆறாவது முறையாக ரூ.1.60 லட்சம் கோடியைத் தாண்டியுள்ளது.

அமைச்சகம் பகிர்ந்துள்ள தரவுகளின்படி, நடப்பு நிதியாண்டில் 90 சதவீத வரி செலுத்துவோர் மாதத்தின் இறுதிக்குள் GSTR – 3B படிவத்தை தாக்கல் செய்கிறார்கள், இது 2017-18 ல் 68 சதவீதமாக இருந்தது. ஏப்ரல் 2023 நிலவரப்படி GSTR-3B தாக்கல் செய்பவர்களின் எண்ணிக்கை 1.13 கோடி பேர், இது 2018 ஏப்ரலில் 72.49 லட்சமாக இருந்தது.

"ஜிஎஸ்டி விதிகள் மற்றும் நடைமுறைகளை எளிமையாக்கியதன் மூலம், தகுதியான வரி செலுத்துவோர், மாத இறுதிக்குள், ரிட்டர்ன் தாக்கல் செய்யும் சதவீதம் அதிகரித்துள்ளது" என்று சமூக ஊடக தளமான X இல் (முன்னர் ட்விட்டர் என அழைக்கப்பட்டது) நிதி அமைச்சகம் பதிவிட்டுள்ளது.

நடப்பு நிதியாண்டின் மாதாந்திர சராசரி மொத்த வரி வசூல் ரூ.1.66 லட்சம் கோடி. ஏப்ரல் 2023 மாதத்தில் வசூல் சாதனையாக ரூ.1.87 லட்சம் கோடியை எட்டியது. நிதியமைச்சர் திருமதி நிர்மலா சீதாராமன் அவர்கள் மக்களவையில் இந்த மாத தொடக்கத்தில் தெரிவித்த கருத்துப்படி ஜூலை 1, 2017 முதல், சரக்கு மற்றும் சேவை வரி வசூல் ஆண்டுதோறும் அதிகரித்து வருகிறது என்பது கவனிக்கத்தக்கது.

ஆலட்-எப் வணிகத் தீர்வுகள், புதுச்சேரி

Alt-F Business Solutions, Puducherry.

Wednesday, 6 December 2023

21,791 போலி ஜிஎஸ்டி பதிவுகள், ரூ.24,000 கோடி வரி ஏய்ப்பு கண்டறியப்பட்டது:

சிறப்பு நடவடிக்கையின் மூலம் 21,791 போலி ஜிஎஸ்டி பதிவுகள், ரூ.24,000 கோடி வரி ஏய்ப்பு கண்டறியப்பட்டது: “மத்திய நிதி அமைச்சர்“

புது தில்லி, டிசம்பர் 5 : (பி.டி.ஐ):- ராஜ்யசபாவில் கேள்வி ஒன்றுக்கு எழுத்துப்பூர்வமாக அளித்த பதிலில் மத்திய நிதியமைச்சர் நிர்மலா சீதாராமன் அவர்கள், 21,791 போலி ஜிஎஸ்டி பதிவுகளையும், ரூ.24,000 கோடிக்கு மேல் வரி ஏய்ப்பு செய்ததையும் ஜிஎஸ்டி அதிகாரிகள் கண்டுபிடித்துள்ளதாக தெரிவித்தார் .

நேர்மையாக வரி செலுத்துவோரின், நலன்களைப் பாதுகாக்கவும், வரி செலுத்துவோருக்கு மிகுந்த சிரமத்தைத் தவிர்க்கவும், அவ்வப்போது அறிவுறுத்தல்கள் வழங்கப்பட்டு வருவதாகவும், அழைப்பாணைகள் (summons) , சொத்துக்களை தற்காலிகமாக பறிமுதல் செய்தல், வரி வரவினை முடக்குதல் (Blocking of Tax Credit) போன்ற அதிகாரங்களைப் பயன்படுத்துவதில் அதிகாரிகள் தகுந்த எச்சரிக்கையுடனும், அக்கறையுடனும் செயல்படுமாறு மத்திய நிதியமைச்சர் அறிவுறுத்தி உள்ளார்.

2023ஆம் ஆண்டு, மே 16ஆம் தேதி முதல் ஜூலை 15ஆம் தேதி வரை நடந்த சிறப்பு நடவடிக்கையின் மூலம், மொத்தம் 21,791 நிறுவனங்கள் போலி என கண்டறியப்பட்டு அவர்களின் ஜிஎஸ்டி பதிவு ரத்து செய்யப்பட்டுள்ளது (மாநில வரி அதிகார வரம்பிற்கு உட்பட்ட 11,392 நிறுவனங்கள் மற்றும் மத்திய வரி அதிகார வரம்பிற்கு உட்பட்ட 10,399 நிறுவனங்கள்) மற்றும் ரூ. 24,010 கோடி வரி ஏய்ப்பு கண்டறியப்பட்டுள்ளது (மாநில வரம்பிலுள்ள வணிகர்கள் – ரூ 8,805/- கோடி, மத்திய வரம்பிலுள்ள வணிகர்கள் - ரூ.15,205/-கோடி).

ஜிஎஸ்டி பதிவு பெறுவதில், குறிப்பாக மெய்நிகர் இடங்களில் (virtual space) செயல்படும் இ-காமர்ஸ் நிறுவனங்கள் எதிர்கொள்ளும் சவால்களை அரசாங்கம் கவனத்தில் கொண்டுள்ளதா என்ற கேள்விக்கு, ஈ-காமர்ஸ் ஆபரேட்டர்களின் சிறப்புத் தன்மையைக் கருத்தில் கொண்டு, அவர்கள் பதிவு செய்வதற்கான எளிமைப்படுத்தப்பட்ட நடைமுறை ஏற்கனவே அறிவிக்கப்பட்டுள்ளது என்று கூறினார்.

ஒரு இ-காமர்ஸ் ஆபரேட்டர், ஒரு குறிப்பிட்ட மாநிலத்திலோ அல்லது யூனியன் பிரதேசத்திலோ பதிவு செய்ய விண்ணப்பிக்கும் போது, அவர்கள் வேறு மாநிலம் அல்லது யூனியன் பிரதேசத்தில் அமைந்துள்ள, முதன்மை வணிக இடத்தின் (Principal Place of Business) விவரங்களைக் கொடுத்து பதிவுக்கு விண்ணப்பிக்கலாம்.

மேலும், அதிக ஆபத்துள்ள பதிவுதாரர்களுக்கான (High Risk Dealers) பயோமெட்ரிக் அடிப்படையிலான ஆதார் அங்கீகாரம் உள்ளிட்ட பதிவு செயல்முறையை வலுப்படுத்த ஜிஎஸ்டி விதிகளில் திருத்தங்கள் மற்றும் ஆவணங்களின் அசலை சரிபார்த்தல் (verification of original document) ஆகியவை நடவடிக்கைகள் மேற்கொள்ளபடுகின்றன என தெரிவிதார்.

இதற்கான முன்னோடித் திட்டம் குஜராத்தில் தொடங்கப்பட்டு, ஜூலையில் புதுச்சேரிக்கும், நவம்பரில் ஆந்திராவுக்கும் நீட்டிக்கப்பட்டது.

மேலும், பதிவு செய்யப்பட்ட நபரின் வங்கிக் கணக்கு, பெயர் மற்றும் PAN பற்றிய விவரங்கள் பதிவு செய்யப்பட்ட 30 நாட்களுக்குள் அல்லது GSTR - 1 அறிக்கையை தாக்கல் செய்வதற்கு முன் ( எது முந்தையதோ) சமர்ப்பிக்கப்பட வேண்டும். நிர்ணயிக்கப்பட்ட காலத்திற்குள் சரியான வங்கிக் கணக்குகளின் விவரங்களை வழங்காத நிறுவனங்களின் பதிவு, கணினியால் தானாகவே முடக்கப்படும். ஆயினும், பின்னர் இந்த விதிமுறைகளை நிறைவு செய்யும் பட்சத்தில், பதிவு தானாகவே கணினியால் திரும்ப செயலுக்கு கொண்டுவரப்படும்.

இவ்வாறு, மத்திய நிதியமைச்சர் நிர்மலா சீதாராமன் அவர்கள், ராஜ்யசபாவில் கேள்வி ஒன்றுக்கு எழுத்துப்பூர்வமாக அளித்த பதிலில் தெரிவித்துள்ளார்கள்.

ஆல்ட்-எப் வணிகத் தீர்வுகள், புதுச்சேரி.