மேல்முறையீடுகளை தாக்கல் செய்வதற்கான மன்னிப்புத் திட்டம் (Amnesty for filing Appeals with Appellate Authority)

 

02.11.2023 தேதியிட்ட எண். 53/2023 (மத்திய வரி) அறிவிப்பு :-

(Notification No. 53 of 2023 (Central Tax) dated 02.11.2023)

சரக்கு மற்றும் சேவை வரிச் சட்டத்தின் கீழ் ஒரு அதிகாரியால் எடுக்கப்பட்ட எந்தவொரு முடிவு அல்லது உத்தரவால் பாதிக்கப்பட்ட நபர்கள், அந்த முடிவு அல்லது உத்தரவு தெரிவிக்கப்பட்ட தேதியிலிருந்து மூன்று மாதங்களுக்குள் மேல்முறையீட்டு ஆணையத்திடம் மேல்முறையீடு செய்யலாம் [பிரிவு 107(1)]

அல்லது

மேல்முறையீடு செய்வதில்  இருந்து, முறையீட்டாளர் போதுமான காரணத்தால் தடுக்கப்பட்டதாக மேல்முறையீட்டு ஆணையம் திருப்தி அடைந்தால், அதை மேலும் ஒரு மாத காலத்திற்குள் சமர்ப்பிக்க அனுமதிக்கலாம் [பிரிவு 107(4)]

 

பொது மன்னிப்புத் திட்டம்:

 

வரி செலுத்துவோர் மேல்முறையீடு தாக்கல் செய்வதற்கான சட்டப்பூர்வ காலத்தை தவறவிட்டார்

அல்லது

மேல்முறையீடு சட்டப்பூர்வ காலத்திற்குள் செய்யப்படவில்லை என்ற அடிப்படையில் நிராகரிக்கப் பட்டிருந்தால் அத்தகைய மேல்முறையீடுகள் இப்போது 31.01.2024 அல்லது அதற்கு முன் தாக்கல் செய்யலாம்.

ஆயினும், 107வது பிரிவின் படி தாக்கல் செய்யப்பட்ட மேல்முறையீடு, இந்த அறிவிப்பை வெளியிடுவதற்கு முன்பு மேல்முறையீட்டு ஆணையத்தின் முன் நிலுவையில் இருந்து, அது இந்த அறிவிப்பின் பத்தி 3 இல் குறிப்பிடப்பட்டுள்ள நிபந்தனையை பூர்த்தி செய்யும்பட்சத்தில், மேல்முறையீடு உரிய முறையில் தாக்கல் செய்யப்பட்டதாகக் கருதப்படும்.

இந்த திட்டம் யாருக்கு பொருந்தும் 

 

1. GST சட்டத்தின் பிரிவு 73 அல்லது 74 இன் கீழ் நிறைவேற்றப்பட்ட உத்தரவு

2. 31.03.2023 அன்று அல்லது அதற்கு முன் பிறப்பிக்கப்பட்ட உத்தரவு

3. வரி செலுத்த தேவை உள்ள உத்தரவுகளில் மட்டுமே (Orders having TAX Demand) மேல்முறையீடு ஏற்கப்படும்.

4. கோரிக்கையானது (Demand) வட்டி (Interest) அல்லது அபராதம் (Penalty) அல்லது இரண்டும் உள்ளதாக இருந்து வரி கேட்பு இல்லாமல் இருந்தால் (without Tax Demand) இத் திட்டத்தின் கிழ் மேல்முறையீடு செய்ய தகுதி இல்லை.

எனவே மேல்முறையீடு செய்ய தவறிய வணிகர்கள் இந்த வாய்ப்பை பயன்படுத்திக்கொள்ளவும்.

ஆல்ட்-எப் வணிக தீர்வுகள், புதுச்சேரி 

Alt-F Business Solutions, Puducherry,